specific moments من جوجل هتجاوبك على اسألتك على طول

الكاتب : advz
التاريخ : الثلاثاء  08  اكتوبر  2019

 specific moments

زي مانتوا عارفين لما نحب ندور علي اجابه لسؤال معين بييجي في بالنا في اَي وقت، اول حاجه بنعملها ان احنا بنسال جوجل ، بتكتب السؤال بتاعك في ال Search bar  و بيطلعلك نتايج يا أما جزء من مقاله او مقاله بالكامل او فيديو يوتيوب  بالكامل

ايه رأيك لو جوجل بتجاوبك علي سؤالك من خلال جزء محدد في فيديو يوتيوب

ايوه زي ما بقولك كده ، جزء محدد في الفيديو بيتكلم عن الحاجه اللي انت عايزها ممكن يبقي  دقايق من فيديو كامل اللي  ممكن يبقي ساعه مثلا ، الجزء ده بيسموه specific moments

 

مثلا زي ما احنا شايفين في الصورة  ده واحد عامل فيديو علي اليوتيوب مدته تقريبا 13 دقيقه عن ازاي تعمل podcast ، الرجل ده راح محدد الأجزاء اللي بتجاوب علي أسئلة الناس اللي بتبحث عن أسئلة معينه بخصوص ال podcasting  زي مثلا ازاي تعمل تعديل للpodcast  و راح محدد الجزء ده من أول الدقيقه 4 في الفيديو،عن الميكروفون لل podcast  من أول الثانية 55 من الفيديو ..الخ , فلما الناس بتبحث في جوجل او يوتيوب عن ازاي تعمل تعديل لل podcast ، هيظهرله في نتايج البحث الدقيقه 4 من الفيديو لل podcast

الموضوع ده ليه فوايد كتير

أولا:  للناس اللي بتبحث علي جوجل أو يوتيوب ده هيوفرلهم وقت جامد ، لان انت بدل ما تشوف الفيديو بالكامل عشان تعرف الاجابه علي سؤالك ،هتشوف الجزء اللي هيجاوبلك علي سؤالك علطول اللي  هو Specific moments

ثانيا :  الناس اللي بتعمل فيديوهات علي اليوتيوب ، الموضوع ده هيخلي الناس توصل لفيديوهاتك بشكل اسهل و نسبه المشاهده هتبقي اعلي  لان جوجل هتعرض الأجزاء من الفيديوهات دي في نتايج البحث بجانب ان الفيديوهات المجزءه بتتشاف اكتر

طب الموضوع ده بيتعمل ازاي ؟

أولا : لو انت يوتيوبر أو شركة بتعمل تسويق لمنتجاتها من خلال  فيديوهات اليوتيوب ، فيه form بتملاها عشان تعمل الموضوع ده اسمها key moments in google search -interest form

 

ثانيا : بتحدد الأجزاء في الفيديو specific moments   اللي بتجاوب مباشرة عن أسئلة الناس اللي بتبحث علي جوجل عن أسئلة معينه و بتحطلها عنوان .

 

مصدر الخبر و الصورة

 

كن الاول و شارك برأيك فنحن نرحب دائما بمشاركتك