التسويق الاليكتروني .. نسخه خاصه للمحامين

الكاتب : advz
التاريخ : الخميس  10  اكتوبر  2019

التسويق الاكتروني للمحامين

 

لو المحاماة هي مهنتك وعايز تعلن عن نفسك والاستشارات اللي بتقدمها فالمقال ده ليك من داخل شركة تسويق الكتروني

ناس كتير ممكن تعرض عليك انهم يعلنوا عنك او مكتبك لكن في الغالب الاعلان ده بيكون بلا عائد كبير ليك . وده لان الي بيقنعك تعمل الاعلان هو غالبا اخصائي مبيعات ومش اخصائي تسويق والفرق كبير. الخمس خطوات الجايين دول من أخصائي تسويق الكتروني عشان يساعدوك توصل بالإعلان للي انت عايزه.

الخطوة الاولي (صناعه المحتوي)

لازم تعرف ان لو انت معندكش محتوي على انترنت فانت غير متواجد بالأساس، والمحتوي يعني صور، فيديوهات او مقالات مكتوبه. انت في البداية مش محتاج لتحسين محركات البحث SEO  او إعلانات جوجل والفيس بوك وغيرهم من الحاجات الي هتخلص فلوسك بدري من غير فايدة. لكن انت محتاج علي الأقل ٢٥ فيديو على قناتك علي اليوتيوب و انا بقول ٢٥ عشان لو قُلت لك ١٠٠ مش هتكمل قراءه المقال ده. ودلوقت انت اكيد بتسال اشمعني الفيديوهات؟

أولا الفيديو سهل أنك تعمله مجرد افتح الكاميرا واتكلم. ثاني حاجه، الفيديو ممكن تنشره في كذا مكان (فيسبوك تويتر الخ). وكمان من خلاله تقدر تعرفهم عليك وعلى شخصيتك بشكل سهل وبسيط يوصل للكل. والأفضل ان المنافسة في الفيديو اقل بكثير. فبدل ما تنافس مئات المحامين على اول عشر أماكن في محرك البحث هتبقي بتنافس عدد شبه معدوم من الفيديوهات في مجالك. فغيرك من المنفسين في المجال بيخافوا من الكاميرات وتقديم محتوي مباشر. وأخيرا مش هيكلفك أكثر من كاميرا موبيل وخدمه انترنت.

لو انت بتفكر ايه الموضوعات اللي هتتكلم فيها فالأمر بسيط. انت ممكن تقدم نوع من الاستشارات القانونيةالبسيطة وبشكل مسلي. فأسأله مثلا كيف اعمل قانون وسياسه لشركتي أو كيف احصل على حضانة طفلي ممكن تكون عناوين لفيديوهاتك.

واهم حاجه أنك متقلقش لو لقيت عدد المشاهدات على محتواك قليل في الاول لان مع احترافك الموضوع ونشرك لمحتوي بشكل مستمر المشاهدات مش هتكون مشكله اطلاقا.

الخطوة الثانية (النشر)

 

 بعد ما عملت لنفسك فيديوهات في الخطوة الاولي دلوقت وقت التوزيع عشان تصل لعملائك.  والتوزيع هنا هيكون على حساباتك المختلفة من فيسيبوك تويتر ولينكد ان الخ. فالاول هيشوف الفيديوهات أصدقائك ومعارفك على الحسابات دية لكن ده هيكون كافي لنشر اسمك لأوساط ابعد مع مرور الوقت.

الخطوة الثالثة (التعاون)  

 

في منصة اسمها be live فيbe-live.tv ، ودي بيكون دورها انها تساعدك تقدم محتوي في صوره البرامج الحوارية او التوك شو وكمان من خلالها تقدر تعمل فيديوهات مشتركه  تستضيف فيها زملاء اخرين في تخصصات اخري. وبالطريقة دية تقدر تشاركهم جمهورهم وهما كان يستفيدوا من جمهورك ويصبح المحتوي جذاب أكثر. فمثلا ابعت لزميلك المحامي المتخصص في قضيا الأسرة في حلقه من حلقاتك للمناقشة والرد على أسئلة في تخصصه. والحلقة تظهر على قناتك وقناته في نفس الوقت والكل مستفيد.

الخطوة الرابعة (اعاده صياغة المحتوي)

 الفيديو يعتبر في حد ذاته وسيله واحده لكن لو عايز فعلا توصل لعملاء كتير لازم محتوي أكثر بكثير. لكن الامر مش بالصعوبة دي فالفيديوهات الي انت عملتها ممكن تتحول لمقالات او منشورات فيسبوك. وبالطريقة البسيطة دي تقدر تخلي المحتوي الواحد ثلاثة. وبكده توصّل صوتك بأشكال مختلفة ولجمهور أكثر خصوصا الي عايزين يحفظو على باقة النت.

الخطوة الخامسة (المزامنة التلقائية)

موقع زي Hootsuite.com  بيمكنك من توصيل والتحكم بحساباتك الإلكترونية مثل فيس بوك انستجرام وغيرها من مكان واحد. فلو عايز تنشر حاجه بتنزل الرابط على الموقع ده وهو ينشره على كل حساباتك المختلفة. كمان تقدر، من خلال نفس الموقع، أنك تقدر تنظم أوقات نشر او عرض المحتوي على صفحاتك وقنواتك الشخصية بالإضافة لأساليب لقياس المتابعين والتفاعل مع محتواك عبر الانترنت.

وتأكد  الخمس خطوات وصفه مضمونه وسهله للوصول لعملاء كتير و باقل تكاليف

كن الاول و شارك برأيك فنحن نرحب دائما بمشاركتك